Në Qendrën Klinike në Shkup ka ndërruar jetë 23-vjeçarja T.R nga Saraçina e Tetovës e cila kishte marrë lëndime të rënda më 15 gusht në orën 22:00.
Ajo ishte goditur nga një veturë drejtuar nga 49-vjeçar nga Reçiaca e Madhe, ndërsa për shkak të lëndimeve të marra ishte transferuar në Klinikën “Nënë Tereza” në Shkup.
Më 15 gusht fatkeqësia ndodhi në rrugën “Video Smilevski Bato”.
“Një veturë “BMW” me targa të Tetovës drejtuar nga M.P. (49) nga Reçica e Madhe ka goditur 23-vjeçaren T.R.(këmbësore) nga Saraçina e Tetovës.
Në aksidentin T.R. ka marrë lëndime të rënda, të cilat janë konstatuar në qendrën Klinike “Nënë Tereza” në Shkup”, thuhej në njoftimin e atëhershëm të SPB Tetovë.
