E keni parasysh atë ndjesinë acaruese kur ti shkon për të blerë një produkt të ri make up-i që ta kanë rekomanduar disa njerëz përnjëherësh dhe pikërisht kur ndodhesh përballë stendës, zbulon se nuk ka më!
Dëgjon shitësen që të thotë “sapo i mori një vajzë dy rimelët e fundit”, pranon fatin tënd dhe del me nerva andej nga hyre. Me siguri tani që po ju përshkruaja këtë skenarin, e imagjinuat produktin e parë me të cilin përsëritet historia. Na lini t’ju gjejmë ne, atë dhe të tjerë që jo më kot janë, bëhen me shpejtësinë e erës -sold out-.
1. Rimeli “Princess false lash”
Këtë rimel të Essence nuk ka nevojë t’jua përshkruajë sepse e njihni mirë. Eshtë ai për të cilin “bëhet nami” sapo vjen furnizimi i ri sepse vajzat e kanë zbuluar sekretin. Ato e dinë që ky rimel, jo vetëm kursen shumëëë para, po bën edhe më mirë rimelëve marka- që në të shumtën e rasteve nuk krahasohen me këtë. Nuk keni nevojë për qerpikë fallso, sepse ju jep volum dhe rezistencë gjatë gjithë ditës. I patestuar tek kafshët. Problemi i vetëm? Mbaron shpejt!
2. “The Blush”
Po kaq i famshëm është edhe pudra e mollëzave. Ky blush nga Essence ka ngjyrë të adhurueshme, pigmentim aq sa duhet dhe është i përballueshëm. Një nga produktet drugstore që bëhet sold out brenda fare pak ditësh.
3. The ROSE Edition
Paleta e syve nga Essence, The ROSE Edition ka 9 ngjyra që ju do t’i përdornit përgjithmonë. Të ëmbla, mjaftueshëm rezistente përgjatë gjithë ditës si dhe përhapen lehtësisht. Një MUST për grimin e përditshëm, por edhe për mbrëmje. Jo më kot konsiderohet një tjetër produkt Best Seller që duhet të nxitoni për ta provuar!
4. I love extreme crazy volume
Një tjetër rimel legjendar nga Essence që ju e njihni mirë. Pavarëisisht eksperimenteve që mund të bëni, i riktheheni gjithnjë dhe “sold out-i” është prova.
5. Kjo pudër
Fondatina Stay all day është një tjetër produkt drugstore që i duhet çantës suaj. E keni gjithmonë me vete dhe mund ta përdorni sa herë ju duket që make up-i s’është në lartësinë e duhur. Hapet mirë në lëkurë pa krijuar të çara, ju jep shkëlqim dhe është mjaftueshëm aq sa duhet.
