Gazeta e njohur gjermane, “Bild”, ka publikuar detaje për vrasjen e katër personave nga një ushtar në Gjermani.
Sipas kësaj gazete, sulmuesi e ka vrarë ish-partneren e vet, partnerin e saj të ri, nënën e tij dhe një fëmijë.
Ushtari u vetëdorëzua në polici pas krimit dhe u arrestua.
Hetuesit zhvilluan kërkime në veturën e tij dhe gjetën një koktej molotovi, disa karikatorë armësh dhe municion.
Forcat e sigurisë e rrethuan shtëpinë ku kishin ndodhur së pari të shtënat, rreth orës 3 e 30 minuta më mëngjes. Më pas, policët u futën në ndërtesë. Në vendin e ngjarjes shkoi e dhe një ekip policor për mjete shpërthyese.
Sipas të dhënave të gazetës gjermane, autoritetet gjetën edhe gjësende të tjera të dyshimta në një ndërtesë ngjitur me shtëpinë ku ndodhi krimi.
