Ofensiva e intensifikuar e Rusisë në rajonin lindor të Donbasit të Ukrainës pasqyron “një politikë të dukshme gjenocidi”, tha presidenti ukrainas Volodymyr Zelensky në fjalimin e tij të natës të enjten.
Ofensiva aktuale e pushtuesve në Donbas mund ta bëjë rajonin të pabanuar”, tha Zelensky. “Ata duan të djegin Popasna, Bakhmut, Lyman, Lysychansk dhe Severodonetsk në hi. Si Volnovakha, si Mariupol.”
Në qytetet më afër kufirit rus si Donetsk dhe Luhansk, forcat ruse “mbledhin të gjithë ata që munden për të mbushur vendin e të vrarëve dhe të plagosurve në kontigjentin okupues“, tha Zelensky, shkruan CNN, përcjell “Bota sot”.
E gjithë kjo, duke përfshirë dëbimin e popullit tonë dhe vrasjet masive të civilëve, është një politikë e dukshme gjenocidi e ndjekur nga Rusia.
Zelensky tha se ushtrimi i presionit ndaj Rusisë “është fjalë për fjalë një çështje e shpëtimit të jetëve” dhe se çdo vonesë, mosmarrëveshje apo propozim për “të qetësuar” Rusinë çon në “ukrainas të rinj të vrarë” dhe kërcënime të reja për të gjithë në kontinent.
