Pas vizitës në SHBA, kryeministri Kurti ka vazhduar vizitën e tij zyrtare në Zvicër. Që nga marrja e mandatit si kryeministër, kjo është vizita e parë zyrtare e Kurtit në ShBA. Mirëpo, gjashtëmbëdhjetë ditëshi i kreut qeveritar në ShBA, nga opozita shihet si vizitë studimore dhe pa takime me zyrtarë të lartë amerikanë, derisa kryeministri Kurti tha se kjo vizitë ishte e frytshme, mesa antagonizma të të dyja palëve, larg emocioneve politike me ftohtësinë e mendjes duhet gjykuar drejt, e para e z. Kurti në SHBA. Për rëndësinë jetike që kanë SHBA për Kosovën, kjo vizitë është futur në mikroskopin e opozitës dhe mediave të financuar nga ajo për të gjetur sado pak “ dështim” të kësaj vizite për poena politike të saj.
Kjo vizitë ka konfirmuar dy gjëra thelbësore: Albin Kurti nuk është anti amerikan dhe marrëdhëniet e Kosovës me SHBA nuk varen nga një person, kushdo qoftë ai. Se Albin Kurti nuk është anti amerikan konfirmohet edhe nga takimet e tij të shumta me senator demokratë dhe republikanë, vizitat në universitete të njohura, ligjëratat dhe diskutimet atje, takimet me biznesmenë dhe afaristë amerikanë etj. Sigurisht se do të ishte shumë e mirëpritur edhe takimi me z. Biden, e cila për shkaqe që nuk dihet nuk është realizuar, nuk nënkupton se çdo kryeministër i Kosovës që shkon në SHBA të takojë z.Biden, pikërisht në këtë kohë të përpjekjeve të shtuara të SHBA për luftën ne Ukrainë.
Opozita, me Vlora Çitaku dhe Ramush Haradinajn e kanë quajtur vizitën si joefikase, pa sqaruar për çfarë bëhet fjalë konkretisht dhe në anën tjetër thonë se “është e paprecedentë që një kryeministër t’ia jap luksin vetës që të qëndrojë kaq gjatë në ShBA”, deri dje të njëjtit e akuzonin z. Kurti për mos shkruaje, tani e akuzojnë pse rri shumë. Vet Kurti në një status në fb, duke folur për vizitën në SHBA thekson : “Fola për të arriturat e qeverisë sonë dhe për dy qëllimet kryesore të vizitës sime në shtetin mik dhe aleatin tonë më të rëndësishëm: Nxitjen e interesimit për investime në Kosovë dhe avancimin e bashkëpunimit me qeverinë amerikane në fushën e mbrojtjes dhe sigurisë”. Nuk nënkupton se vizita konsiderohet e suksesshme vetëm nëse takon presidentin apo sekretarin amerikan të shtetit, ka pasur të tjerë që takoheshin, Kosova nuk përfitonte asgjë më shumë se sa përfiton aktualisht nga SHBA.
Marrëdhëniet e Kosovës me SHBA duhet të zgjerohen të arrijnë nivel tjetër përtej asaj të kujdesit të SHBA, në raporte tregtare me investime të munguara amerikan e të cilat do të hapnin vende pune për të rinjtë e vendit. Pavarësisht propagandës së opozitës, asnjë kryeministër, asnjë individ nuk mund të cenojë raportet e Kosovës me SHBA, ato mbesin të forta dhe të pandryshueshme për jetë e mot, SHBA respekton vendimin e popullit për të zgjedhur vet udhëheqësit e saj. Kosova ka zgjedhur Kurtin për të luftuar krimin dhe korrupsionin, për investime që hapin vende pune, për arsim cilësor dhe shëndetësi të shëruar etj, i vjen radha edhe takimit me z. Biden, për të cilin Kosova ka shprehur mirënjohjen dhe respektin më të lartë për atë individualisht dhe SHBA në tërësi.
