Çmimet globale të naftës shënuan rënie pasi presidenti amerikan Donald Trump njoftoi se ka shtyrë një sulm të madh ushtarak ndaj Iranit, për shkak të negociatave që po zhvillohen me Teheranin.
Nafta e papërpunuar Brent, standardi global i tregut, ra me rreth 2% gjatë natës, duke zbritur nën nivelin e 110 dollarëve për fuçi.
Në një postim në “Truth Social”, Trump tha se kishte anuluar sulmin pas kërkesës së vendeve të Gjirit Persik dhe për shkak të asaj që ai e quajti “negociata serioze” me Iranin.
Tensionet mes SHBA-së dhe Iranit kanë shkaktuar luhatje të forta në tregjet energjetike javët e fundit, sidomos pas kërcënimeve për bllokimin e Ngushticës së Hormuzit, rrugë kyçe për transportin e naftës në botë.
Burimi: opinion.al
