BDI kërkon përgjegjësi nga Astrit Iseni për malltretimin skandaloz të studentëve nga Shqipëria

Bashkimi Demokratik për Integrim (BDI) kërkon përgjegjësi nga zëvendësministri i Punëve të Brendshme, Astrit Iseni, për malltretimin skandaloz te studentëve nga Shqipëria.

“Zëvendës ministri pa legjitimitet etnik në Ministrinë e Brendshme, Astrit Iseni, maltretoi studentët nga Shqipëria duke i endur rrugëve me shoqërim dhe izolim policor, vetëm e vetëm që të mos marrin pjesë në protestën studentore në Shkup. Mungesa e legjitimitetit kombëtar të bën shërbëtorë dhe Astrit Iseni shkëlqen në këtë rol.

Vëllezër nga Shqipëria, të dashur studentë, ne ju kërkojmë falje për këtë turp të vazalëve si Astrit Iseni dhe VLEN.
Bashkimi Demokratik për Integrim përshëndet mbarëvajtjen demokratike të protestës studentore dhe solidarizohet në tërësi me kërkesat rinore”, thonë nga BDI.

Nga Bashkimi Demokratik për Integrim theksojnë se zgjidhja është vetëm një, të ndaloni diskriminimin dhe të respektoni e zbatoni Ligjin për Gjuhën Shqipe. Asgjë tjetër.