Presidenti i Shteteve të Bashkuara të Amerikës, Donald Trump ka kërkuar një armëpushim të menjëhershëm midis Iranit dhe Izraelit, në një postim të publikuar në rrjetin e tij social Truth Social.
Sipas mesazhit të tij, Trump u bëri thirrje të dy vendeve që të ndalin menjëherë përshkallëzimin e dhunës dhe të ndalojnë sulmet reciproke, në një moment kur tensionet në Lindjen e Mesme janë rritur ndjeshëm dhe janë raportuar shkëmbime të reja zjarri mes palëve.
Deklarata vjen teksa situata në rajon mbetet e paqëndrueshme, me përplasje ushtarake dhe shqetësime ndërkombëtare për një zgjerim të konfliktit.
Sipas mediave ndërkombëtare, SHBA po vazhdon të bëjë thirrje për de-eskalim dhe rifillim të përpjekjeve diplomatike për të shmangur një luftë më të gjerë rajonale.
Burimi: opinion.al
