Keni takuar një burrë argëtues dhe të këndshëm, por nuk jeni i sigurt nëse ai është “i duhuri”?
Është koha të shpërfillni emocionet tuaja për një moment dhe t’i bëni vetes disa pyetje kyçe.
Edhe pse asnjëra prej tyre nuk ka të bëjë me ndjenjat tuaja, kjo nuk e zvogëlon prakticitetin dhe rëndësinë e tyre.
A është i kënaqur në punë?
Qëndrimi i tij ndaj karrierës mund t’ju zbulojë nëse jeta juaj po shkon drejt të njëjtit qëllim apo jo. Është e rëndësishme të pyesni partnerin nëse i pëlqen ajo që bën. Ju gjithashtu duhet të vlerësoni nëse mund të balanconi punën e tij me marrëdhënien tuaj.
Cila ishte lidhja e tij e fundit?
Duke folur për ish-partnerët do t’ju tregojë se si do të sillet në të ardhmen, kur të ketë kaluar koha e sjelljes dhe pushtimit të tij më të mirë. Mund ta filloni temën duke e pyetur për shembull: Si ka mundësi që një super djalë si ai është beqar, shkruan albeu.com.
Në fund të fundit, është një kompliment që do të stimulojë më tej bisedën. Një burrë i pjekur dhe i dhembshur zakonisht rendit disa nga cilësitë e ish-ve të tij përpara se të fillojë të shpjegojë pse gjërat nuk funksionuan. Nëse ai është nervoz, tund këmbën ose është shumë kritik, problemi është ndoshta mungesa e durimit dhe mirëkuptimit.
Si e trajton borxhin?
Para së gjithash, borxhi nuk është gjithmonë i keq. Një burrë me një kredi studentore i ka hyrë borxhit “me zgjuarsi”, sepse është një investim që do të shlyhet në të ardhmen. Mënyra se si ai i trajton paratë është një tregues i karakterit dhe përgjegjësisë së tij.
Flisni në mënyrë që ta ridrejtoni bisedën me lehtësi tek financat. Përmendeni se sapo keni paguar faturën e kartës së kreditit dhe shikoni reagimin e tij. Nëse ai ka marrë disa vendime të nxituara, është në rregull përderisa ai përmend se si e ka shlyer borxhin e tij.
