Gjatë ditës së sotme janë japur shumë informacione se si po shkojnë bisedimet mes negociatorëve rusë dhe ukrainas.
Së fundmi në një video të postuar në mediat sociale, këshilltari i Presidentit Zelensky, Mykhailo Podolyak, tha se Rusia kishte filluar të angazhohej në mënyrë konstruktive.
“Rusia tani e percepton në mënyrë shumë më adekuate botën përreth saj. Ajo është shumë më e ndjeshme ndaj pozicionit të Ukrainës, e cila është dëshmuar në fushat e betejës, dhe në veprimet e Ukrainës në drejtim të mbrojtjes së interesave të saj”, thotë ai.
“Propozimet tona janë në tryezë dhe janë shumë të ashpra. Para së gjithash, ato kanë të bëjnë me tërheqjen e trupave, armëpushimin etj. Në parim, ne nuk do të heqim dorë nga asnjë nga pozicionet tona. Rusia tashmë e kupton këtë. Rusia ka filluar të flasë në mënyrë konstruktive”.
Edhe diplomatja e lartë amerikane, Wendy Sherman, tha se Rusia po tregonte shenja të përfshirjes në negociata thelbësore, thotë korrespondenti diplomatik i BBC-së, James Landale.
Por asnjëra palë nuk do të thoshte se ku është arritur përparim, nëse ka, në çështjet humanitare apo edhe mundësinë e një armëpushimi, shton korrespondenti ynë.
To clarify. At the negotiations, the RF not putting ultimatums, but carefully listens to our proposals. 🇺🇦 will not give up any of the positions. Our demands are – the end of the war and the withdrawal of RF troops. I see the understanding and there is a dialogue. pic.twitter.com/72ae9ZeOfn
— Михайло Подоляк (@Podolyak_M) March 13, 2022
