Ylli i Man Unitedit, Cristiano Ronaldo ka reaguar pas fitores së madhe ndaj Leeds United.
Portugezi ishte titullar ndaj Leeds, ku zhvilloi 80 minuta para se të zëvendësohet në fitoren 2:4.
Pas fitores, Ronaldo përmes një postimi në “Twitter” shkroi se ishte fitore e rëndësishme para udhëtimit për përballjen ndaj Atletico Madridit.
“Fitore shumë e rëndësishme para se të ndryshojmë fokusin në Ligën e Kampionëve dhe Madridit. Rikthehemi rrugës së duhur. Ne qëndrojmë të bashkuar”, shkroi ai.
Ndërkohë, të mërkurën e ardhshme, Atletico Madrid e pret Man Unitedin në “Wanda Metripolitano”.
