Nga LAM informojnë se në rrugët e vendit po zhvillohen disa aktivitete ndërtimi, për këtë arsye po i paralajmërojnë qytetarët të ngasin me kujdes.
Në segmentin Gostivar-Strazhë po riparohen disa ura, për këtë arsye është futur një regjim i përkohshëm trafiku. Po punohet edhe në urat në autostradën A2 pranë fshatit Zelino, si dhe në rrugën anësore të Shkupit midis kryqëzimeve Vollkovë dhe Kondovë, ku trafiku po lëviz në dy korsi për shkak të mbylljes së korsisë së majtë të tejkalimit.
Në autostradën A1, seksioni Smokvicë – Gjevgjeli, po kryhen punime për instalimin e një tubacioni gazsjellës ndërlidhës, ndërsa në rrugën rajonale Kosovrasti – Melniçki Most, vazhdon sanimi i një rrëshqitjeje toke me një regjim të përkohshëm trafiku.
Për shkak të ndërtimit të Korridorit 10D, në rrugën Prilep – Manastir është në fuqi një regjim i përkohshëm trafiku, me automjete që po ridrejtohen përgjatë rrugës rajonale nga kryqëzimi i Lagovës deri në Topolçan.
LAM u bën apel shoferëve që ta përshtatin shpejtësinë sipas kushteve të rrugës, të respektojnë sinjalistikën e trafikut dhe të ngasin me kujdes, veçanërisht në pjesët ku janë të mundshme rrëshqitjet e dheut. Kujdes më i madh rekomandohet në rrugët Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Që nga 15 prilli, rruga Ohër – Resnjë që kalon nëpër Parkun Kombëtar të Galiçicës është rihapur për trafik për automjete deri në 3.5 ton.
Burimi: lajmpress.org
