“Në Tiranë flet shqip, në Shkup e lufton shqipen! Fjalimi në gjuhën shqipe i deputetit të VMRO-së në Kongresin e PD-së mund të tingëllojë bukur për publikun, por qytetarët i njohin politikat nga veprat, jo nga fjalët. Nuk mjafton të flasësh shqip në një tribunë në Tiranë, ndërsa në Shkup hesht ose mbështet politika që cenojnë përdorimin dhe avancimin e gjuhës shqipe. Ka kaluar koha kur shqiptarët mashtroheshin me disa fjalë të zgjedhura për raste ceremoniale. Sot pyetja nuk është sa bukur e flet shqipen, por sa punon për të dhe sa e respekton atë në institucionet ku merr vendime.
Edhe më e pakuptueshme është që një skenë e tillë të mundësohet në mes të Tiranës. Kur bëhet fjalë për çështje kombëtare, simbolika ka peshë dhe mesazhet që dërgohen nuk janë pa rëndësi. Prandaj, mbetet e diskutueshme dhe e vështirë për t’u arsyetuar që një parti si PD të lejojë një lloj triumfalizmi politik të VMRO-së në zemër të Tiranës!”,
*Status facebook’u i analistit politik Blerim Hyseni
Burimi: lajmpress.org
