Kujtim Shala ka njoftuar se në zgjedhjet e 7 qershorit do të garojë për deputet në Kuvendin e Kosovës, pas propozimit të Degës së Lidhjes Demokratike të Kosovës në Pejë.
Ai ka falënderuar strukturat e degës për mbështetjen, ndërsa nga kjo degë në garë do të jenë edhe Arben Gashi dhe Besa Gaxherri, së bashku me kandidatë të tjerë si Sadri Berisha, Naser Gega, Jeton Kelmendi dhe Diellza Bakraçi.
Postimi i Shalës:
Të dashur qytetarë, anëtarë dhe simpatizantë të Lidhjes Demokratike të Kosovës!
Në bazë të propozimit të Degës së Pejës, në zgjedhjet e 7 qershorit, do të jem kandidat për deputet. Falënderoj kolegët e degës sime për propozimin dhe për mbështetjen e vazhdueshme. Nga dega jonë, në këtë garë do të jenë edhe: Sadri Berisha, Besa Gaxherri, Arben Gashi, Naser Gega, Jeton Kelmendi dhe Diellza Bakraçi. Na priftë e mbara!
Burimi: botasot.info
