Të afërm, miq, kolegë, madje edhe kundërshtarë politikë, i kanë dhënë lamtumirën e fundit, ish-kryeministrit grek, Kostas Simitis, i cili u nda nga jeta në moshën 88-vjeçare, në orët e para të mëngjesit të së dielës më 5 janar.
Varrimi i tij u mbajt ditën e sotme, 9 janar, pasi qeveria shpalli të dielën katër ditë zie kombëtare në nder të Simitisit.
Ai u përcoll me nderime nga bashkëshortja Dafni Simitis, dy vajzat e tij, Marilena dhe Fiona, të cilat i qëndrojnë në krah nënës së tyre dhe mirë pritën ngushëllimet nga qindra njerëz të pranishëm.
Kostas Simitis dhe Dafni u takuan në Londër në vitin 1960. Dasma e tyre u zhvillua në verën e vitit 1964, në një rreth të ngushtë familjar.
Në vitin 1967 dhe 1968 u lindën dy vajzat. Fiona ka studiuar Histori Arti në Paris dhe Marilena ka studiuar Shkenca Politike në Universitetin e Kolumbias në Nju Jork.
“Fëmijët e mi ishin kritikë ndaj zgjedhjeve të mia dhe kjo më ndihmoi shumë”, tha dikur Kostas Simitis për vajzat e tij.
Gjatë kortezhit mortor fjalime mbajtën Presidentja e Republikës Katerina Sakellaropoulou, Kryeministri Kyriakos Mitsotakis, presidenti i PASOK Nikos Androulakis, ish-ministri dhe profesori Tasos Giannitsis, profesori Yiannis Voulgaris dhe profesori Konstantinos Tsoukalas.
Kyriakos Mitsotakis, në fjalimin e tij në funeral, e cilësoi Kostas Simitisin “si një luftëtar kundër diktaturës, një shërbëtor të denjë të demokracisë”.
Burimi: botasot.info
