Këngëtarja e njohur amerikane, Demi Lovato, ka tërhequr vëmendjen e fansave me paraqitjen e saj në tapetin e kuq, duke nxitur komente se duket pothuajse njësoj edhe pas më shumë se dhjetë vjetësh.
Gjithçka nisi pas krahasimit të dy fotografive të artistes, të realizuara në periudha të ndryshme. Në njërën prej tyre, Lovato shfaqet në ceremoninë e ndarjes së çmimeve “Grammy” në vitin 2016, e veshur me një fustan të zi elegant, me dekolte të hapur, të dizajnuar në stilin e kostumit, nga Norisol Ferrari. Ajo e kishte kombinuar veshjen me një varëse të veçantë me zinxhir dhe flokët e gjatë e të errët.
Ndërsa në fotografinë e dytë, këngëtarja u shfaq këtë javë në Los Angeles, në galanë e parë të organizuar nga Airbnb.org. Kësaj radhe, ajo zgjodhi një kostum të zi elegant, sërish me dekolte të hapur dhe me flokët e saj karakteristikë ngjyrë të zezë.
Ngjashmëria mes dy paraqitjeve ka bërë që fansat të reagojnë me habi në rrjetet sociale. Disa prej tyre kanë vënë në dukje se stili i artistes duket pothuajse i pandryshuar, ndërsa një koment që ka tërhequr vëmendje ishte: “Ajo është vampir”.
Përveç paraqitjes së saj që ka rikthyer vëmendjen te stili ndër vite, Demi Lovato ka pasur edhe një javë të ngarkuar me aktivitete publike.
Vetëm pak ditë para galasë, ajo u ribashkua me mikeshën e saj të hershme, Selena Gomez, për një fushatë nostalgjike të markës Rare Beauty. Fushata u frymëzua nga filmi i tyre i vitit 2009, “Princess Protection Program”, në të cilin dy artistet kishin luajtur së bashku në kohën kur ishin pjesë e Disney Channel.
Më shumë se një dekadë pas paraqitjes së saj në “Grammy”, Lovato vazhdon të tërheqë vëmendjen me stilin e saj elegant dhe paraqitjet që rikujtojnë pamjet e saj të dikurshme.
Burimi: botasot.info
