Kryetari i Bashkimit Demokratik për Integrim, Ali Ahmeti në ditën ndërkombëtare të gruas ka uruar të gjitha gratë, raporton indeks.mk
Ai ka thënë se sot e gjithë bota përkujton dhe njëzëri aprovon përpjekjet e gruas për të fituar të drejtat dhe për t’i dhënë fund mentalitetit diskriminues shoqëror ndaj tyre.
“Shoqëritë demokratike reflektojnë tashmë me pjekuri duke u përkujdesur për barazinë dhe faktorizimin e zërit të saj. Mirënjohje përjetë ndaj rolit të jashtëzakonshëm të gruas në shoqëri dhe familje!”, ka shkruar Ahmeti.
