Dëshironi të punoni në një vend ku vlerësoheni duke gjykuar karakterin tuaj dhe etikën tuaj të punës. Këtu janë 7 aftësitë e intervistës që do t’ju ndihmojnë të punësoheni.
CV-ja juaj ju ka mundësuar të jeni në listën e ngushtë të të ftuarve. Kjo është e mrekullueshme! Tani ju duhet të përkushtoheni më shumë.
Shumica e njerëzve e shohin procesin e intervistës paksa shqetësues. Ju jeni duke u takuar me dikë që ju vlerëson në çdo gjë që bëni – duke gjykuar karakterin tuaj, etikën tuaj të punës, arritjet tuaja të së kaluarës dhe premtimin tuaj për të ardhmen. Është edhe më keq nëse përballeni me një panel dhe nuk dini se ku të shikoni ose kujt t’i drejtoheni. Ju mund të jeni nervoz dhe nga stresi t’ju ngatërrohen fjalët. Nuk është situata më e rehatshme dhe të gjithë e kuptojnë këtë. Resume.io ka përpiluar një listë të aftësive të intervistimit që do të përmirësojnë përvojën tuaj dhe do t’ju ndihmojnë që ta arrini punën që gjithmonë e keni ëndërruar.
Pra, cilat janë aftësitë e intervistës? Kryesisht janë cilësitë që të bëjnë edhe një punonjës të vlerësuar: Komunikimi, përpikëria, besimi, organizimi dhe entuziazmi për punën. Nëse keni talent në shitje edhe më mirë.
Le të fillojmë me aftësitë bazike. Më poshtë po listojmë aftësitë më të rëndësishme të intervistës në të cilat duhet të përqendroheni dhe të projektoni profesionalizëm dhe të tregoheni kompetent në fushën tuaj.
Përgatitja e intervistës
Duhet të keni njohuri për kompaninë
Aftësitë e të folurit (e qartë, kohezive, e qetë)
Mendoni së pari, flisni së dyti
Duhet të dëgjoni
Tregoni interesimin tuaj dhe jo dëshpërimin
Tregoni mirënjohje
1. Përgatitja e intervistës
Nëse doni të shkëlqeni në intervistë kushtoni më shumë kohë përgatitjes për intervistë. Pra, çfarë duhet të përfshijë përgatitja juaj? Ne ju sugjerojmë të rilexoni përshkrimin e punës disa herë në mënyrë që të jeni në gjendje të diskutoni me lehtësi pozicionin dhe kërkesat që lidhen me të. Mendoni se si mund t’i ilustroni aftësitë e dëshiruara me përvojën që keni.
Rishikoni CV-në tuaj dhe duhet ta dini atë shumë mirë. Kjo është ajo që ju ka çuar në këtë pikë për të arritur që t’i bëni përshtypje një rekrutuesi. Vetëm kini parasysh se intervistuesi juaj mund të mos e ketë lexuar plotësisht ose ta ketë mbajtur mend atë, kështu që rifreskoni kujtesën e tij gjatë intervistës tuaj duke përmendur detaje nga CV-ja. Një gjë që mund të bëni në mënyrë që t’ia rrisni vetes shanset është të siguroheni që ajo që keni shkruar në CV përputhet me atë që thoni në intervistë.
2. Duhet të keni njohur për kompaninë
Të jesh i përgatitur do të thotë gjithashtu të mësosh për kompaninë ose organizatën me të cilën po intervistohesh. Ju nuk mund t’i përgjigjeni pyetjes “Pse doni të punoni këtu?” nëse nuk dini asgjë për kompaninë. Kuptoni më shumë njohur për mënyrën se si funksionon kompani. Si? Së pari, nëse njihni dikë në kompani, bisedoni me të. Nëse jo, shikoni faqen e internetit të kompanisë, por gjithashtu lexoni LinkedIn për më shumë informacion. Bëni një kërkim në Google për artikuj lajmesh ose intervista me menaxher, gjithashtu. Është më mirë të kesh më shumë informacion sesa shumë pak.
3. Aftësitë e të folurit
Një intervistë i përngjan shumë një audicioni aktrimi. Ju duhet të mendoni për aftësitë tuaja të të folurit dhe të punoni mbi to përpara intervistës. Procesi i intervistës mund të jetë një përvojë e tensionuar, dhe për shkak të kësaj, shumë njerëz flasin shpejt, mërmërijnë ose flasin shumë butë. Kjo NUK është ajo që ju duhet të bëni. Merrni frymë thellë dhe praktikoni të folurit e ndërgjegjshëm. Flisni ngadalë, mbani një ndjenjë qetësie dhe mbani mend se intervistuesi juaj duhet të jetë në gjendje të dëgjojë çdo fjalë që thoni pa vështirësi. Nëse flisni ngadalë dhe me besim, fjalët tuaja do të përthithen më mirë dhe vetëbesimi juaj do të admirohet.
Kontakti me sy është po aq i rëndësishëm-Ju lidh me intervistuesit tuaj dhe gjithashtu krijon besim. Nëse kontakti i tepërt me sy ju bën nervoz, provoni të shikoni vetullat ose mjekrën e intervistuesit. Do të duket ende sikur po shikoni në sytë e tyre. Ju gjithashtu mund të praktikoni në pasqyrë ose me një mik për t’u mësuar me kontaktin me sy.
4. Mendo së pari, fol së dyti
Është në rregull të lëni hapësirë heshtjeje derisa i mblidhni mendimet tuaja për tu përgjigjur. Kjo do t’ju japë kohë për të formuluar një deklaratë të qartë dhe për të mbajtur qetësinë tuaj. Nëse të folurit në publik nuk ju vjen natyrshëm – kjo është në rregull, rrallë i ndodh dikujt. Provoni të praktikoni para një pasqyre. Mund të duket e çuditshme, por na besoni, përfundimisht do t’ju bëjë të ndiheni më rehat. Vendosni të jini vetvetja (vetëm pak më profesionist).
Për t’ju ndihmuar të flisni, mbani mend edhe gjuhën e trupit tuaj. Jo vetëm që ngritja e shtyllës kurrizore dhe drejtimi i shpatullave poshtë dhe larg nga veshët tuaj tregojnë besim, por ju ndihmon të merrni frymë më lehtë dhe të projektoni më mirë zërin tuaj. Të folurit mirë gjithashtu demonstron aftësitë tuaja komunikuese për menaxherët e punësimit. Nëse mund ta përcillni mirë mesazhin tuaj gjatë stresit të një interviste pune, kjo flet shumë për aftësinë tuaj për të komunikuar pasi të keni marrë punën.
5. Të dëgjuarit
Në intervistën tuaj do të jenë dy persona, ndoshta edhe më shumë. Të tregosh aftësinë tënde për të qenë një dëgjues i mirë është tepër e rëndësishme. Kjo nuk është vetëm një aftësi interviste. Dëgjimi tregon mendimin tuaj dhe aftësinë për të punuar në një ekip. Për më tepër, nëse nuk praktikoni aftësi të mira dëgjimi, mund të humbisni pikën e një pyetjeje dhe të jepni një përgjigje më pak se mbresëlënëse. Fokusohuni në atë moment dhe jepini intervistuesit tuaj respektin që e meriton. Praktikojeni kontaktin me sy dhe tundni kokën derisa dëgjoni dhe sigurohuni që të kuptoni pyetjet ose komentet që vijnë nga intervistuesi juaj.
6. Tregoni interesim, jo dëshpërim
Të jesh i interesuar për një punë dhe i dëshpëruar për një punë janë dy gjëra që dallojnë krejtësisht. Dëshpërimi nuk i bën përshtypje askujt. Detyra juaj është të tregoni interesim të sinqertë për punën në fjalë, ndërsa dëshmoni se mund t’i vëni në praktikë kualifikimet tuaja të shkëlqyera për punën në fjalë. Qasuni çdo interviste sikur të jetë për punën tuaj të ëndrrave. Është e vështirë kur të duhet vërtet puna, por kujtoji vetes se mënyra më e mirë për ta marrë atë është përmes një interviste të shkëlqyer, jo duke iu drejtuar ndjenjës së fajit të punëdhënësit tuaj të mundshëm.
Intervistuesi juaj dëshiron të punësojë kandidatin më të mirë, jo kandidatin më të dëshpëruar. Si i intervistuar, është detyra juaj të paraqisni veten si një person shumë i kualifikuar dhe profesionist me përvojën e punës që ju bën të përsosur për pozitën që keni aplikuar. Kjo është ajo që punëdhënësit kërkojnë. Pavarësisht se sa keni nevojë për punën, është thelbësore që të përmbaheni nga lutja ose kërkesat pasi që kjo krijon vetëm një situatë të pakëndshme dhe joprofesionale. Jini të këndshëm, të qetë dhe të përmbajtur. Tregoni vetëbesim përmes gjuhës së trupit dhe kontaktit me sy. Ajo do të ju shpaguhet.
7. Tregoni mirënjohje
(Lëreni një përshtypje të mirë derisa shkoni)
Pasi intervista juaj të përfundojë, është e rëndësishme që ta përfundoni atë me një notë të lartë. Ju dëshironi që intervistuesi juaj të mendojë: “Unë po e vendos atë person në krye të listës së “Njerëzve për t’i punësuar”. Buzëqeshni dhe përsëritni falënderimin duke theksuar interesimin për punën nëse e ndjeni se mund të përshtateni me të në mënyrë organike. Mund të planifikohet dhe një intervistë tjetër në horizont dhe ju dëshironi të jeni në krye të listës së thirrjeve. Aftësitë tuaja në intervistë janë të rëndësishme, por edhe qëndrimi juaj është i rëndësishëm.
