Kryenegociatori i Republikës së Kosovës me Bashkimin Evropian, Jeton Zulfaj, po merr pjesë në Takimin joformal të Ministrave për Çështje Evropiane, që po zhvillohet më 10–11 maj në Nikosia të Qipros.
Takimi organizohet në kuadër të Presidencës Qipriote të Këshillit të BE-së dhe mbledh ministrat për çështje evropiane, përfaqësues të Komisionit Evropian, si dhe ministra nga shtetet kandidate dhe kandidatët potencialë. Diskutimet fokusohen në procesin e zgjerimit të Bashkimit Evropian.
“Gjatë ditës së parë, pas vizitës së organizuar të qytetit, Kryenegociatori Zulfaj u mirëprit nga zëvendësministrja për Çështje Evropiane e Qipros, znj. Marilena Raouna, ku edhe pati mundësinë të shkëmbej biseda me kryesuesit e delegacioneve të shteteve anëtare”, thuhet në njoftimin e ZKM-së.
Dita e dytë e takimit i kushtohet diskutimeve tematike, me fokus në zgjerimin e BE-së. Zulfaj pritet të marrë pjesë në sesionin për zgjerim, ku diskutohet statusi i vendit kandidat dhe hapja e negociatave për Kosovën.
Burimi: botasot.info
