Presidenti ukrainas, Volodymyr Zelensky, deklaroi se Rusia ka sulmuar një central elektrik në rajonin e Harkivit, pasi presidenti amerikan Donald Trump njoftoi arritjen e një armëpushimi në sektorin energjetik mes Moskës dhe Kievit.
“Rusët goditën një central elektrik në rajonin e Harkivit. Dhe e gjithë kjo ndodhi pasi presidenti amerikan bëri deklaratën e tij për armëpushimin energjetik”, shkroi Zelensky në Facebook.
Deklarata e presidentit ukrainas erdhi pas një bisede me presidenten e Komisionit Evropian, Ursula von der Leyen.
Më herët, Trump kishte njoftuar se Rusia dhe Ukraina kishin rënë dakord për një armëpushim në sektorin energjetik, duke u bërë thirrje të dyja palëve të mos e shkelnin marrëveshjen.
Megjithatë, sipas Zelenskyt, sulmi ndaj centralit elektrik në rajonin e Harkivit ndodhi pas këtij njoftimi, duke ngritur pikëpyetje mbi zbatimin e armëpushimit të shpallur.
Burimi: botasot.info
