Emergjencat civile të bashkisë Fier, së bashku me kryebashkiakun Armando Subashi janë duke monitoruar në terren situatën e krijuar nga reshjet e shiut.
Korrespondenti i Top Channel Neritan Trifoni bën me dije se ata janë përqendruar përgjatë argjinaturës së Çervenit ku dy fadroma dhe mjete të tonazhit të rëndë janë duke punuar për riparimin e disa segmenteve të rrezikuara nga dalja e lumit Vjosë.
Aktualisht niveli i lumit Vjosë ka shkuar në 8,6 metra ndërsa janë të evakuuara 13 familje. Situata nën monitorim dhe shpresohet që situata të përmirësohet referuar edhe prurjeve në lumin Vjosë nga zona e Memaliaj.
Reshjet tashmë po bien me intensitet të lartë duke e bërë situatën alarmante.
Top Channel
Burimi: top-channel.tv
