Tashmë u bënë mbi dhjetë orë që kur kreu i BDI-së, Ali Ahmeti ju dërgoi një letër të hapur ndërkombëtarëve lidhur me zhvillimet e fundit politike në Republika e Maqedonisë së Veriut, dhe ende nuk ka asnjë përgjigje.
Sipas njoftimit të BDI-së, letra e publikuar më 3 prill u është përcjellë ambasadorëve të vendeve të BE-së të akredituar në vend, si dhe një sërë liderëve dhe personaliteteve të rëndësishme ndërkombëtare.
Në hyrje të letrës, Ahmeti thekson përkushtimin e partisë së tij ndaj zbatimit të plotë të Marrëveshja e Ohrit dhe ndërtimit të një shteti demokratik e multietnik.
Ai shpreh gjithashtu shqetësim për zhvillimet e fundit politike në vend, të cilat sipas tij mund të cenojnë arritjet e deritanishme.
“Shqetësim të veçantë paraqesin heqja e mekanizmit të balancuesit për përfaqësim të drejtë dhe adekuat të komuniteteve, sfidat në funksionimin e institucioneve që zbatojnë Ligjin për Përdorimin e Gjuhëve, si dhe iniciativat për minimin dhe kontestimin e këtij ligji në Gjykatën Kushtetuese”, thekson Ahmeti.
Letra u është adresuar një sërë liderëve botërorë dhe zyrtarëve ndërkombëtarë, përfshirë presidentin amerikan Donald Trump, presidenten e Komisionit Evropian Ursula von der Leyen, kryeministrin britanik Keir Starmer, presidentin francez Emmanuel Macron dhe sekretarin e përgjithshëm të NATO, Mark Rutte.
Burimi: alfax.mk
