Në emisionin Open në News24 është diskutuar mbi mandatin e Olta Xhaçkës, ndërsa Komisioni i Venecias dha opinionin e tij lidhur me këtë çështjes. Në opinionin e Venecias thuhet se vendimet e Gjykatës Kushtetuese janë të zbatueshme. Por palët politike kanë bërë interpretime të ndryshme lidhur me çështjen e mandatit të deputetes Olta Xhaçka.
Deputeti Fatmir Mediu, kreu i PR-së, tha se kemi qenë 4 vjet pa Gjykatë Kushtetuese dhe 4 vjet pa Gjykatë të Lartë dhe kjo nuk ndodh në asnjë vend anëtar të NATO-s. Mediu tha se Kuvendi nuk mund të pengojë dërgimin e çështjeve në Kushtetuese kur këtë e kërkon 1/10 e anëtarëve të Parlamentit.
“Sipas logjikës së PS-së, Kuvendi me shumicë votash mund të bllokojë çdo nismë që 1/10 e anëtarëve të Parlamentit mund t’i drejtohen Kushtetueses. Në këtë pikëpamje për çfarë nga duhet Gjykata Kushtetuese kur Kuvendi mund të bllokojë dërgimin e çdo akti?”, tha Mediu. Ai tha se deputeti është në lirinë e tij për të votuar, mund të votojë sipas bindjes që ka, por nuk mund të votojë kundër Kushtetutës.
“Kushtetuta e Shqipërisë thotë që vendimet e Gjykatës Kushtetuese janë të detyrueshme për tu zbatuar”, tha Mediu. Sipas tij, është çështje tjetër ajo se çfarë vendos Gjykata, pra në rastin konkret për mandatin e Olta Xhaçkës, dhe tjetër çështje e drejta e 1/10 të deputetëve që t’i drejtohen Kushtetueses.
Burimi: botasot.info
