Sot përfundojnë ndeshjet e xhiros 29 në Superligën e Kosovës, Prishtina do të jetë mysafirë i Ballkanit, ndërsa Llapi pret Dritën.
Sot zhvillohen dy ndeshje mjaft interesante në kuadër të xhiros 29 në Superligën e Kosovës.
Vendet e para do të përballen me ekipet që gjenden në pozitën e katër dhe të pestë në tabelë.
Ballkani aktualisht kryeson tabelën në Superligën e Kosovës, andaj do të kërkon fitore ndaj kryeqytetasve.
Prishtina mund t`i shkaktojë probleme ekipit nga Suhareka, pasi ka si duket ata janë këndellur.
Pritet të jetë një ndeshje mjaft intensive nga të dy ekipet.
Ndeshja tjetër po ashtu e rëndësishme është ajo në mes Llapit dhe Dritës.
Drita do të kërkojë të mbajë hapin me Gjilanin e Ballkanin në garë për titull të Superligës së Kosovës, andaj do të kërkojë pikët e plota.
Llapi po kalon në një formë mjaft të mirë këtë sezon dhe nuk do të jetë ndeshje aspak e lehtë për ekipin nga Gjilani.
Ndeshja Ballkani – Prishtina zhvillohet sot me fillim nga ora 13:30, ndërsa Llapi – Drita në orën 14:00.
