Një 31 vjeçar është vënë në prangat e policisë së Bulqizës pasi ka dhunuar fizikisht familjarët e tij.
Policia bën me dije se ngjarja ka ndodhur në Martanesh, ku motra e autorit ka marrë ne telefon dhe ka denoncuar dhunën e ushtruar nga vëllai ndaj saj dhe prindërve.
Menjëherë pas marrjes së njoftimit është bëri i mundur arrestimi i shtetasit me iniciale I. M., 31 vjeç.
“U konfliktua dhe ushtroi dhunë ndaj familjarëve të tij, falë ndërhyrjes së shërbimeve të Policisë, parandalohet konflikti i mëtejshëm dhe vihet në pranga autori.
Në sallën Operative të Komisariatit të Policisë Bulqizë ka ardhur një telefonatë nga shtetasja N. M. e cila ka kërkuar ndihmë nga Policia, pasi vëllai po ushtronte dhunë fizike dhe psikologjike ndaj saj dhe ndaj prindërve.
Me marrjen e njoftimit, menjëherë shërbimet e Policisë kanë shkuar në adresën e dhënë ku është bërë i mundur parandalimi i konfliktit duke arrestuar në flagrancë shtetasin I. M., 31 vjeç, banues në Martanesh, Bulqizë”, thuhet në njoftimin e policisë.
