Një 23-vjeçare ukrainase, Anastasiia Alashri, është gjetur e vrarë në fshatin Villa Giulia në Itali, ku është goditur me thikë në pjesë të ndryshme të trupit.
Autor i vrasjes së 23-vjeçares dyshohet se është ish-bashkëshorti i saj, një 42-vjeçar egjiptian, i cili është arrestuar në Bolonja.
E reja, e cila mbërriti në Itali në mars pasi u arratis nga Kievi pas luftës që goditi Ukrainën, punonte në një restorant në Fano, por ditën e djelë ajo nuk ishte paraqitur në punë. Ajo mesa duket, para se të vdiste kishte shkuar te ish-bashkëshorti i saj për të marrë disa rroba, raportojnë mediat italiane.
Ajo ishte nënë e një djali 3 vjeçar dhe e ndarë nga i shoqi dhe donte të fillonte një jetë të re me një partner të ri.
Sherri i fundit
Paraditen e së dielës, Anastasiia kishte vendosur të kthehej në shtëpinë e saj për të marrë disa sende personale, ku dhe u përball me ish-bashkëjetuesin me të cilin u shkaktua një tjetër sherr i ashpër. Prej atij momenti i kanë humbur gjurmët, deri në atë pikë sa shoku i tij i shqetësuar ka vendosur të kontaktojë me karabinierët dhe të raportojë ngjarjen.
Arrestimi për vrasje
Kërkimet kanë nisur menjëherë, nëpërmjet veprimeve të policisë kanë bërë të mundur kapjen e autorëve të dyshuar për sjelljen e keqtrajtimit duke tentuar ndoshta të largohej nga territori kombëtar. Prokuroria Publike e Pesaros lëshoi një urdhër ndalimi për veprën penale të vrasjes. Vrasësi i dyshuar më pas u dërgua në burgun e Bolonjës.
Burimi: GAZETA.MK
