Protestat kundër korrupsionit, që kanë vazhduar për të dytën ditë radhazi, përshkallëzuan tensionet në kryeqytetin e Nepalit, Katmandu, ku ndërtesat qeveritare u përfshinë nga flakët.
Trazirat nisën pas ndalimit të mediave sociale, që më pas u anulua nga qeveria, por që tani janë kthyer në një lëvizje të gjerë kundër korrupsionit dhe keqmenaxhimit qeveritar.
Sipas raporteve, të paktën 22 persona kanë humbur jetën dhe dhjetëra të tjerë janë plagosur në përplasjet me policinë dhe forcat e sigurisë.
Në këtë situatë të tensionuar, kryeministri i Nepalit, KP Sharma Oli, njoftoi dorëheqjen nga posti i tij, ndërsa ushtria garanton përkushtimin për të rikthyer kontrollin e situatës.
Megjithatë, ende nuk dihet se kush do të marrë drejtimin e qeverisë dhe si do të zhvillohen ngjarjet në ditët në vazhdim.
Top Channel
Burimi: top channel
