Para 37 viteve (1985) së bashku drejtonin klubin e futbollit Prishtina të gjeneratës së artë në ligën e parë ish jugosllave, trajneri i famshëm kroat Mirosllav Çiro Bllazheviq dhe Ajet Shosholli.
Shosholli sot komunikoi në telefon me Bllazheviqin, për të mësuar rreth gjendjes së tij shëndetësore, pasi tani e një kohë vuan nga sëmundja e rëndë!
Bllazheviqi si gjithmonë shquhet me batuta dhe aspak nuk i përton këtyre punëve.
Mirosllav Çiro Bllazheviq dhe Ajet Shosholli
Paksa e zuri si në befasi Shoshollin!
Gjatë bisedës telefonike, Blazheviqi pa nja pa dy e pyet Shoshollin: “Ajet, edhe ty të paskan ra flokët a, të paskan ra a…”.
Shosholli qeshet dhe ia kthen me të parën: “Po bre Çiro, vjetët e bëjnë të veten, nuk jemi të ri”.
Bllazheviqi qeshet me batutën e tij, duke i thënë: “Kujtime të mira kam shumë nga Kosova!”. Vazhdon komunikimi disaminutësh mes tyre.
