“Top tu baft pushka” është titulli i këngës më të re të Gold AG, të cilën e ka shoqëruar me videoklip.
Si zakonisht, tekstin e ka shkruar vet Arian Agushi që po ashtu e ka bërë edhe melodinë, ndërsa për orkestrimin është kujdesur Nexhat Mujovi – Virusi.
Për anën vizuale është kujdesur M Production që e ka xhiruar videon muzikore.
Kënga është dedikim për dëshmorin e kombit, Selmon Dukaj, i cili radhëve të Ushtrisë Çlirimtare të Kosovës iu bashkua aktivisht në pranverën e vitit 1998.
Dukaj ka rënë në altarin e lirisë më 3 qershor të vitit 1998 në një përleshje të pabarabartë të zhvilluar kundër forcave pushtuese serbe, te Ura e Bajramhasanëve, në mes të fshatrave Carrabreg e Prejlep, pranë magjistrales Deçan-Gjakovë.
