E përditshmja spanjolle ‘AS’ ka raportuar se Antonio Rudiger dhe Aurelien Tchoaumeni do startojnë sot për Real Madridin.
Real Madridi e nis sot në udhëtim ndeshjen e xhiros së parë në La Liga, ndaj Almerias.
Carlo Ancelotti në këtë takim nuk do të llogarisë në shërbimet e Rodrygos dhe Carvajal (për shkak të problemeve muskulore), kurse pjesa tjetër e skuadrës janë të gatshëm.
Sipas raportimeve të ‘AS’, trajneri italian do të fillojë ndeshjen me dy ardhjet e reja, Tchouameni dhe Rudiger.
Të dy kanë bërë debutimin e tyre në një ndeshje zyrtare për Realin, pasi kishin disa minuta në finalen e Superkupës së Evropës ndaj Frankfurtit (ndeshje që ‘Mbretërit’ triumfuan 2:0).
Almeria – Real Madrid luhet sot, me fillim nga ora 22:00.
