Sophia dhe Noah janë emrat më të pëlqyer për bebet në Gjermani.
Shoqata për Gjuhën Gjermane (GfdS) njoftoi të martën se këta dy emra – duke përfshirë edhe variante të tjera të shkrimit si Sofia – ishin sërish zgjedhja më e popullarizuar e prindërve të rinj në vitin 2025.
Sophia dhe Noah kryesuan renditjen edhe në dy vitet paraprake, 2024 dhe 2023.
Sipas GfdS, pesëshja e emrave më të pëlqyer për vajza plotësohet nga Mia, Lina, Ella dhe Hanna/Hannah.
Te djemtë, Noah-un e pasojnë Matteo, Theo, Leo dhe Emil.
“Noah dhe Sophia janë bërë shumë më tepër sesa thjesht emra në modë – ata janë shndërruar në klasikë modernë”, tha drejtoresha menaxhuese e GfdS-së, Andrea-Eva Ewels, njofton dpa, transmeton kp.
“Ndërkohë, rritja e popullaritetit të Theo dhe Leo tregon se emrat e shkurtër dhe të lehtë për t’u mbajtur mend janë veçanërisht të preferuar nga shumë prindër”.
Shoqata për Gjuhën Gjermane publikon renditjen e emrave më të përdorur në këtë shtet çdo vit, duke nisur nga 1977-a.
Për hartimin e listës përdoren të informacione nga rreth 750 zyra të gjendjes civile në mbarë vendin, të cilat ofrojnë afërsisht 830 mijë regjistrime.Baza e të dhënave përfshin rreth 91 për qind të të gjitha foshnjave të lindura në Gjermani.
Burimi: botasot.info
