Deputeti i Frontit Europiam, Skender Rexhepi-Zejd kërkon që qeveria të anulojë vendimin, me të cilin sipas tij ulet numri i këshilltarëve në disa komuna me shumicë shqiptare.
Skender Rexhepi e quan këtë vendim si diskriminues, antikushtetues dhe në kundërshtim me Ligjin për Vetëqeverisje Lokale.
Thotë se edhe pse Gjykata Kushtetuese ka konstatuar shkelje në ndarjen e qytetarëve në rezidentë dhe jo rezident, qeveria nuk ka ndërmarrë hapa për të korrigjuar vendimin.
“Ashtu siç ishte problematike, dhe ishte diskutabile dhe u arrit me Gjykatën Kushtetuese të ndryshohet metodologjia e punës së Ligjit për Regjistrim, njëjtin pozicion është edhe qeveria dhe kryeministri, të cilët bëjnë ndarje të qytetarëve në rezidentë dhe jorezidentë në këtë vendim, dhe diskriminojnë qytetarët e RMV-së, në veçanti shqiptarët që jetojnë në mërgatë”, shtoi ai.
Burimi: botasot.info
