Mbrëmjen e djeshme në emisionin “Goca dhe Gra”, Orinda Huta lexoi një lajm nga organizata britanike “Drinkaware” që thoshte se ‘26 për qind e punonjësve ishin penduar për diçka që kishin bërë në festën e punës, pasi kishin pirë shumë’.
“Pendesa kryesore ishte se kishin bërë thashetheme me njëri-tjetrin. Apo ndonjë flirtim me ndonjë koleg”, vijoi Orinda.
Këtu ndërhyn Selin Bollati, e cila shprehet se së shpejti do kenë dhe festën që organizon Top Channel, për fillimin e sezonit. Ajo shprehet se të pranishëm do të jenë edhe Monika Kryemadhi me Arbër Hajdarin.
“Aman se kemi dhe festën tonë shumë shpejt, fillimi i sezonit. E meqenëse Orinda tha se në këtë rast janë thënë thashethemet në festë, unë po ju them disa thashetheme jashtë feste për festën. Në festë do të jenë prezentë Monika Kryemadhi dhe Arbër Hajdari”, tha Selin.
“Moj Selin, po na thua ndonjë lajm që nuk e dimë? Po konfirmon diçka për “Big Brother”-in e ardhshëm?”, e pyeti menjëherë Huta.
Por Bollati vijoi duke thënë se ‘nuk po konfirmon asgjë prej gjëje’.
“Ndoshta ato mund të vijnë dhe si ish-opinionistë të “Big Brother”, atë nuk e dimë. Gjithsesi ne i përshëndesim dhe na ka marrë malli që t’i shohim dhe live dhe në ekran”, përfundoi Selin.
Burimi: botasot.info
