Kreu i Aleancës për Shqiptarët, pjesë e Frontit Europian, Ziadin Sela pas takimit që kishte në selinë e BDI-së në Reçicë të Vogël, ftoi qytetarët që të bëhen pjesë e nismës “Roja e gjuhës” para Gjykatës Kushtetuese. Sa i përket deklaratave të kryeministrit Hristijan Mickoski dhe të koalicionit VLEN, të cilët thonë se nuk ka nevojë për shqetësim në lidhje me vendimin që pritet të marrë Kushtetuesja më 11 dhjetor, Sela tha:
“Këto deklaratë të Mickoskit janë në mënyrë që me të vërtet mos të shqetësohemi, dhe të realizojë planin e tij për të na shtypur ne, ndërsa deklarata e VLEN-it që i bëjnë iso Mickoskit, janë deklarata të pakuptimta, nëse me të vërtet janë ashtu siç deklarohen, marrin plot kuptim kur sheh se ata janë në shërbim, janë servila, të zgjedhur të Mickoskit, nën diktat, janë duke i përsëritur këto deklarata që mos të shqetësohemi. Kur të shkelet e drejta, e përdorimit zyrtar të gjuhës, është objekt shqetësimi për çdo qytetar. Po unë do u them le të shqetësohen shqiptarët, në mënyrë që mos të na shfuqizojnë gjuhën, kështu thoshin edhe për Balancuesin, mos shqetësohemi, do të ketë ligj, sot e kësaj dite nuk ka ligj”, tha Sela.
Burimi: alfax.mk
