Maqedonia e Veriut do të përfshihet nga mot më i ftohtë dhe i ndryshueshëm gjatë ditëve në vijim, me reshje lokale shiu, borë në zonat më të larta malore dhe erë të fuqishme veriore.
Sipas Drejtorisë për Punë Hidrometeorologjike (DPHM), deri të premten do të mbizotërojë mot me vranësira të ndryshueshme dhe temperatura më të ulëta.
Reshje të përkohshme shiu parashikohen gjatë ditës së sotme dhe të premten, ndërsa në disa male më të larta ato do të shndërrohen në reshje bore.
Era veriore do të intensifikohet dhe në disa zona do të arrijë shpejtësi mbi 60 kilometra në orë.
Megjithatë, fundjava pritet të sjellë përmirësim të kushteve atmosferike. Sipas meteorologëve, moti do të stabilizohet, me periudha me diell dhe vranësira të pakta deri mesatare.
Burimi: lajmpress.org
