Ndërsa rrjeti zien për “ribashkimin” e Bora Zemanit dhe Donald Veshaj, të gjithë janë kuriozë se si e ka pritur Beatrix Ramosaj këtë lajm. Edhe pse nuk kanë konfirmuar asgjë publikisht, moderatorja dhe aktori i humorit u panë mjaft të afërt në sfilatën që mbajti Valdrin Sahiti.
Ka qenë Antonela Berisha, ish banore e edicionit të parë të “Big Brother VIP”, me të cilën Beatrix Ramosaj ka një raport mjaft të ngushtë, e cila ka treguar se si ka reaguar këngëtarja. E ftuar në emisionin “Goca dhe gra”, Antonela pranoi se ishin bashkë kur këngëtarja pa lajmin në mediat online.
“Ishim për darkë dhe u kthyen njerëzit duke na parë në një moment. Po mendonim se çfarë ndodhi. Pastaj pamë portalet dhe nuk ndodhi asgjë. Vazhduam darkën. Mirë është Beatrix. Është super, po merret me disa projekte të reja. Të isha unë si ajo do bëja ndonjë udhëtim në Kosovë, jo te ata.
Trixa është super femër dhe e kërkuar. Ndonjëherë ne femrat u japim rëndësi atyre që nuk duhen.”, tregoi Antonela. Kujtojmë që shumë fansa janë shprehur entuziastë për dyshen Bora dhe Donald ndërsa të tjerë e kanë kritikuar për faktin se nuk duhej ta falte pas gjithë asaj që i bëri.
