“Qeveria më e keqe e historisë së Greqisë”/ Tsipras paraqet mocion mosbesimi ndaj Mitsotakis

Kreu i opozitës në Greqi, Aleksis Tsipras, paraqiti mocion mosbesimi kundër qeverisë greke, të enjten. Kryetari i Sirizas e cilësoi qeverinë e udhëhequr nga Kyriakos Mitsotakis të rrezikshme për vendin. Ai tha se kjo qeveri është më e dobëta pas vendosjes së demokracisë në vend.

“Kam vendosur të paraqes mocion mosbesimi ndaj qeverisë më të keqe që ka drejtuar këtë vend në epokën e postdiktaturës”, tha Tsipras në parlament.

“Në mes të krizave ku gjendet vendi, pandemia, shtrenjtimi i çmimeve, menaxhimi i motit të keq, kryeministri Mitsotakis dhe qeveria e tij janë të rrezikshëm për vendin”, shtoi ai.

Arsye kryesore është bërë menaxhimi i situatës së krijuar për shkak të stuhive të dëborës javën e fundit.

Mocioni i mosbesimit pranohet vetëm nëse aprovohet nga shumica parlamentare.

Të premten do të nisë një debat treditor në Kuvendin e Greqisë për mocionin e paraqitur nga Tsipras.

Siriza akuzoi 6 ministra të qeverisë se janë sjellë “si oligarkë me situatën e reshjeve të dëborës”.

Një ditë më parë, Mitsotakis i kërkoi falje qytetarëve grekë për keqmenaxhimin e situatës së krijuar prej motit të keq.

Të hënën, si pasojë e dëborës, mijëra automjete mbetën të bllokuara në unazën kryesore të Athinës. Për shkak të të ftohtit shumë drejtues i braktisën mjetet duke u larguar në këmbë. Të njëjtën ditë, rreth 20 mijë banesa mbeten pa energji elektrike për shkak të dëborës, në të gjithë Greqinë.

GAZETA.MK

Story i mëparshëm

Tragjike! Qëllon me çekiç në kokë kolegun, vdes në spital 38-vjeçari

Story i radhës

Monika vazhdon ngacmimet me Ilirin: Kur më do, pse më ulëret?

Të fundit nga

AlbanianMacedonianEnglish