Gjumi i zgjatur gjatë fundjavës mund të prishë modelin e përgjithshëm të gjumit dhe të çojë në pagjumësi, sipas një eksperti të gjumit.
Shumica e njerëzve presin fundjavën për të bërë një gjumë të mirë. Sado joshëse që mund të duket ideja, ajo mund të ketë një efekt të dëmshëm në modelin e përgjithshëm të gjumit, sipas ekspertit të gjumit Stefani Romizevski.
“Kompensimi i gjumit në fundjavë shpesh vetëm zgjat ciklet e këqija të gjumit dhe mund të çojë në pagjumësi”, shpjegoi Romizevski.
“Është në rregull të flemë më gjatë herë pas here, por nëse mbështeteni në këtë sjellje, ajo mund të formojë një model. Kur zgjasim gjumin, truri ynë bëhet i vështirë të kuptojë kur na flihet, sepse ju duket se keni fjetur më gjatë edhe nëse më vonë keni shkuar në shtrat dhe nuk keni pasur gjumë shtesë”.
Pozicioni i gjumit është gjithashtu shumë i rëndësishëm
Është gjithashtu e rëndësishme në cilën pozicion shtriheni kur përgatiteni për gjumë. Gjumi në krah “konsiderohet përgjithësisht si pozicioni më i shëndetshëm i gjumit”, dhe Narvan Amini nga Everynight.com këshillon të shmangni gjumin me bark.
“Ky pozicion mund të çojë në probleme të shumta si tendosje e muskujve dhe nyjeve, ngurtësi, dhimbje shpine dhe qafe”, tha Narwan, duke shtuar se “shpesh mund të jetë e vështirë të ndryshoni pozicionin tuaj të gjumit”.
Ai sugjeron të vendosni një jastëk poshtë ijeve për të parandaluar dhimbjen dhe për të mbrojtur shpinën.
Mbani një rutinë para se të shkoni në shtrat dhe eliminoni irrituesit e dëmshëm
Kur bëhet fjalë për mbajtjen e një rutine, duhet të përgatiteni për shtrat duke e përshtatur rutinën tuaj në përputhje me rrethanat. Këtë do ta arrini duke shkurtuar kohën e kaluar para ekranit rreth një deri në dy orë para se të flini, këshillon eksperti.
Rutina është jetike për “sinkronizimin e modeleve të gjumit të trupit”, shpjegoi eksperti i ndryshimit të sjelljes Dr. Roshan Mohidin.
“Shumë njerëz punojnë nga shtëpia, kështu që e kanë humbur strukturën e të shkuarit në punë çdo ditë, dhe kjo mund të nënkuptojë se është më joshëse të qëndrosh zgjuar deri vonë natën dhe të flesh pak më gjatë në mëngjes”, thotë Mohidin.
