Bahri Gjinovci, president i Federatës së Volejbollit të Kosovës, uron 27 vjetorin e gazetës kombëtare “Bota sot”.
Gjinovci thotë se “Bota sot” ka qenë dhe është afër me sportistët dhe një dritare e fuqishme e informimit.
“Së pari shfrytëzoj rastin të ju uroj përvjetorin e gazetës ‘Bota sot’, duke ju uruar punë të mbarë e suksese në vazhdim.
‘Bota sot’ ka qenë dhe vazhdon të jetë një dritare e sportit të Kosovës, ku nëpërmjet saj opinioni çdo herë është informuar për më të rejat e sportit dhe jo vetëm.
Gazeta ‘Bota sot’ çdo herë ka qenë afër sportistëve dhe njerëzve të sportit, duke kultivuar në mënyrë pozitive komunikimi.
Ne urojmë që kjo mënyrë e punë të kultivohet dhe të zhvillohet edhe në të ardhmen, në shërbim të ngritjes së sportit dhe sportistëve. Shëndet dhe suksese në punën tuaj!”, uron Gjinovci.
