Policia Britanike arrestoi një haker të dyshuar 17-vjeçar. Raportime sugjerojnë se arrestimi ishte i lidhur me hakimin e Rockstar Games që çdo në rrjedhjen e Grand Theft Auto VI.
Individi thuhet se mund të ketë kompromentuar edhe sistemet e Uber. Sipas burimeve gazetareske, arrestimi erdhi pasi një hetimi të Policisë së Londrës, Njësisë Britanike të Krimit Kibernetik dhe FBI-së.
Policia dhe FBI-ja pritet të zbulojnë më shumë detaje lidhur me arrestimin në ditët në vijim.
Rrjedhja e GTA VI ishte një prej më të mëdhave në historinë e video lojërave. Fundjavën e kaluar hakeri në fjalë ndau disa të dhëna nga një version testues i lojës që është një prej titujve më të shumëpritur.
Rockstar, që zakonisht është tepër i fshehtë në lidhje me procesin e zhvillimit të lojërave, tha se rrjedhja ishte e vërtetë. Sipas tyre incidenti nuk do të ndikojë tek puna në zhvillimin e lojës.
Në fillim të muajit Uber ishte gjithashtu subjekt i një incidenti të sigurisë kibernetike. Një haker kishte penetruar sistemet por nuk kishte aksesuar llogaritë sipas Uber.
17-vjeçari i arrestuar ishte nga Oxfordshire, qyteza ku jetonte një prej hakereve të grupit Lapsus$. /PCWorld Albanian
