Tregu i kriptomonedhave humbi 130 miliardë dollarë në 24 orët e fundit ndërsa kriptomonedhat kryesore po shiteshin në masë.
Bitcoin ra me 4% në 33,755 dollarë sipas të dhënave të CoinMetrics ndërsa ther me 7% në 2,239 dollarë. Në mëngjes të dy ranë në nivelin më të ulët që prej muajit Korrik dhe vlera sot është sa gjysma e niveleve rekord.
Vlera e kriptomonedhave po diktohet edhe nga tregjet e aksioneve të cilat janë në rënie që prej fillimit të vitit. Investitorët kanë shitur në masë asete me rrezik të lartë siç janë aksionet e teknologjike ndërsa përgatiten për masa më të shtrënguara të Rezervës Federale në SHBA dhe interesa më të larta kredidhënëse.
Shumë analistë e shohin vlerën 30 mijë dollarë si kufiri i mbështetjes për bitcoin. Megjithatë ata i frikësohen se kriptomonedha mund të bjerë më tutje.
Investitorët gjithashtu i tremben inflacionit në rritje. Mbështetësit e bitcoin janë shprehur vazhdimisht se monedha dixhitale është një parajsë kundër inflacionit, por kjo teori nuk ka qëndruar sidomos me investitorët e rinj.
Nga ana tjetër me rritjen e interesit nga investitorë institucionalë është rritur edhe interesi i investitorëve afatshkurtër të cilët e shohin bitcoin si një mundësi fitimi e shpejtë. /PCWorld Albanian
