Ministri i Mjedisit, Planifikimit Hapësinor dhe Infrastrukturës, Liburn Aliu, ka thënë se kanë përfunduar të gjithë procedurat e shpronësimit për renovimin e stadiumit të Mitrovicës “Adem Jashari”.
Aliu, theksoi se se ky do të jetë një lajm të mirë për të gjithë qytetarët, ani se shpronësimi solli vonesa në ecurinë e këtij projekti.
“Kemi përfunduar të gjitha procedurat e Shpronësimit për Renovimin e Stadiumit të Mitrovicës, “Adem Jashari””.
“Lajm shumë i mirë për të gjithë qytetarët, që në Mbledhjen e 160-të të Qeverisë, miratuam Vendimin Përfundimtar për Shpronësimin e pronave të paluajtshme për interes publik, për realizimin e shumëpritur të Projektit të Stadiumit Olimpik “Adem Jashari”, në Mitrovicë”.
“Edhe pse shpronësimi solli vonesa në ecurinë e këtij projekti shumë të rëndësishëm, pas një koordinimi dhe bashkëpunimi të suksesshëm ndërinstitucional, kemi përfunduar të gjitha procedurat e shpronësimit, në mënyrë që Stadiumi i Mitrovicës “Adem Jashari”, më në fund të vihet në rrugën e duhur, kështu që të jetësohet e t’a gëzojnë të gjithë qytetarët”.
Kujtojmë, që Kosova ndeshjen e parë zyrtare e ka luajtur pikërisht në këtë stadium, por për shkak të mosmirëmbajtjes së tij, është kthyer në një gërmadhë.
