Këngëtaret, Nora dhe Era Istrefi bashkë me motrën e tyre, Nitën me rastin e festës së “Halloween-it” janë transformuar në modele të revistës së famshme amerikane, Playboy.
Fillimisht, imazhet si “lepurushe” i kishte ndarë ylli i hitit “BonBon” duke bërë bujë të madhe në mediat sociale, por pjesë e fotosesionit duket të kenë qenë edhe Nora e Nita.
Ylli i hitit “Çao” i ka ndarë me më shumë se 1 milion ndjekësit e saj në Instagram imazhet me të motrat, derisa ka shkruar – “Lepurushet e mjaltit”.
Për veshjet e treshes është përkujdesur disenjatori kosovar, Valdrin Sahiti, për makijazhin make-up artisti, Arbër Bytyqi, teksa për flokët puna i është besuar, Kaci Lleshit.
Playboy është revista e parë që ka prezantuar lakuriqësinë femërore dhe materialet me orientim seksual në një format medial, ndërsa për numrin e parë të revistës në vitin 1953, themeluesi i saj, Hugh Hefner, përdori një fotografi kalendarike nudo të pabotuar më parë të Marilyn Monroe/kk.
