Mëngjesin e sotëm në Haraçinë është arrestuar 27-vjeçari A.A. i cili ishte i dënuar për kontrabandë me emigrantë, përcjell TV21.
“Sot (28.07.2023) në ora 11:40 në fshatin Haraçinë të Shkupit, zyrtarët policorë nga ekipi operativ për kërkim në SPB-Shkup kanë privuar nga liria A.A. (27) nga fshati Haraçinë. Ai kërkohej me urdhër qendror nga Gjykata Themelore Penale Shkup për vuajtje të dënimit me burg prej katër vjet e gjashtë muaj, për vepër penale të kryer nga neni 418-b i Kodit Penal. Personi do të dërgohet në burgun kompetent për vuajtjen e dënimit”, thonë nga MPB.
Burimi: TV21
