Kryeministri Edi Rama ka publikuar pyetjen e nëntë në kuadër të nismës së Këshillimit Kombëtar.
Bëhet fjalë për ndotjen e hapësirave publike, teksa Rama pyet qytetarët nëse duhet të ketë ndëshkime, penalizme për subjektet apo këdo tjetër që ndotin mjedisin.
“Çdo shtëpi shqiptare do të marrë me postë një pyetësor të Këshillimit Kombëtar, ku janë ngritur pyetje për vendime me rëndësi për familjet shqiptare, bashkëjetesën tonë demokratike dhe politikën e jashtme të Shqipërisë. Më të moshuarit mund ta plotësojnë pyetësorin me dorë dhe të na e ridërgojnë me postë pa asnjë shpenzim.
Më të rinjtë mund ta japin opinionin e tyre përmes faqes së Këshillimit Kombëtar online https://keshillimikombetar.al/ Është koha të flasim më shumë si shqiptarë, si qytetarë, si njerëz, se sa si luftëtarë llogoresh, mllefesh, inatesh kundër njëri-tjetrit… Është koha të dëgjohemi për mendimet dhe idetë e secilit për shtëpinë tonë të përbashkët, Shqipërinë”- shkruan ai.
