Teksa muzika angleze po humbet popullaritetin në Zvicër, këngët shqiptare po bëjnë bujë. Këtë e dëshmon një vështrim i statistikave të transmetimeve për gjysmën e parë të vitit.
Gazeta “Tagesanzeiger” jep të dhëna për të gjithë Zvicrën. Gjuhët më të njohura janë, anglishtja (60 përqind), gjermanishtja standarde (15 përqind) dhe frëngjishtja (8 përqind). Spanjishtja me 4.4 për qind dhe italishtja (2.1 për qind) vijojnë në vendin e katërt dhe të pestë.
Vitin e kaluar, muzika zvicerane (në dialektin gjerman zviceran) kishte zënë vendin e gjashtë. Çuditërisht, në gjysmën e parë të vitit 2023, ajo tashmë është tejkaluar nga muzika në gjuhën shqipe. Këngët në dialekt përbëjnë 1.1 për qind të transmetimeve, ndërsa ato në gjuhën shqipe 1.2 për qind. Për sa i përket numrit të hyrjeve, kjo bën një diferencë prej 7.5 milionë.
Kënga e preferuar e zviceranëve është “Flowers” nga Miley Cyrus. Kjo këngë është dëgjuar tashmë 16.7 milionë herë në Zvicër në vitin 2023, duke e vënë atë në krye me një avantazh prej mbi tre milionë transmetimesh, duke kaluar kështu këngën e Remas “Calm Down”.
Për sa i përket dialektit, reperi zviceran EAZ (që është pseudonimi i artistit shqiptar nga Zvicra, Arbër Rama) ka korrur sukses me këngën e tij hit “Juicy”.
“Juicy” tashmë është luajtur 3.5 milionë herë këtë vit. Kjo e bën këngën më të suksesshme në dialekt dhe e rendit në vendin e 15-të ndër të gjitha gjuhët.
