Mbi 15 mijë persona do të punësohen përmes programeve të punësimit. Drejtori i Agjencisë për Punësim, Bekim Murati, për REL, theksoi se ju takon atyre që vitin e ardhshëm të sigurojnë më shumë mjete për t’iu ofruar të papunëve mundësi për trajnim dhe përfshirje më të lehtë në tregun e punës. Por sipas Muratit, pagat që ofrojnë kompanitë nuk janë në kompetencën e Agjencisë.
“Agjencia e Punësimit ka disa vite që zbaton Planin Operativ për të papunët. Vitin e kaluar realizimi ka qenë mjaft i suksesshëm. Është realizuar 96% e planit operativ, gjegjësisht janë shpenzuar gati 1,5 miliardë denarë, përmes bazave dhe programeve të ndryshme”, tha Murati. /SHENJA/
