Murali i Banksy-t në Venecia i vitit 2019, “Djali Migrant”, do të restaurohet, njoftoi të mërkurën Ministria e Kulturës e Italisë.
Projekti për restaurimin dhe ruajtjen e veprës ikonë do të prezantohet në ministri më vonë të mërkurën.
“Venecia është unike në botë…dhe gjithashtu një vend i privilegjuar për artin bashkëkohor, një detaj që Banksy e kuptoi mirë duke vendosur atje një nga vetëm dy muralet e bëra në Itali,” tha guvernatori i Venetos, Luca Zaia përpara prezantimit.
Ai tha se kishte rënë dakord me kryetarin e bashkisë së Venecias, Luigi Brugnaro dhe nënsekretarin e kulturës, Vittorio Sgarbi për “ta bërë këtë vepër ikonike të përhershme”.
Burimi: GAZETA.MK
