Sulmuesi spanjoll, Alvaro Morata, insiston se se është i lumtur te Juventusi.
Por, ai e pranon se të gjithë luajnë për të ardhmen e tyre në klub, kur huazimi i tij në klub do të përfundojë muajin e ardhshëm, shkruan Goal.com.
“Të gjithë luajnë për të ardhmen e tyre në Juventus, në ndeshje dhe gjatë seancave stërvitore. Ka një radhë të gjatë për të ardhur këtu dhe është normale të gjykohesh në çdo ndeshje. Unë po jap gjithçka për të fituar, për shokët e skuadrës dhe tifozët. Jam i lumtur që jam këtu. Djemtë e mi më kërkojnë të këndoj himnin e klubit çdo mëngjes, jam i lumtur, por do të isha më i lumtur me një trofe”, tha ai.
Morata iu bashkua skuadrës së Serie A si huazim nga Atletico Madrid në vitin 2020 me marrëveshjen e zgjatur për një tjetër sezon verën e kaluar.
Bianconerët ende nuk e kanë shfrytëzuar opsionin për ta bërë këtë lëvizje të përhershme, me raportet që sugjerojnë se ata po kërkojnë të ulin tarifën e rënë dakord më parë me Atletico.
Morata ka shënuar 11 gola në të gjitha garat, por sezoni ka qenë zhgënjyes deri më tani.
