Armando Broja ndëshkoi në ndeshjen e djeshme edhe Tottenham dhe shkoi në kuotën e 6 golave në Premier League këtë sezon.
Për shërbimet e sulmuesit të kombëtares shqiptare interesohen disa klube, sikurse edhe Southampton që në rastin më të keq do pranonte ta mbante edhe një vit në huazim nëse Chelsea nuk do të nxitohet e ta shesë.
Gjithsesi edhe West Ham United dhe Newcastle janë lakuar shumë dhe gazetari i “TalkSPORT”, Alex Crook, është treguar i drejtpërdrejtë me deklaratën e tij:
“Qëndrimi te Southampton edhe një vit është opsioni më i mundshëm, por për klube si West Ham dhe Newcastle do të ishte marrëzi nëse nuk tentojnë ta marrin Brojën”.
